Autismoa

Autismoa errealitatearekin harremanak apurtzearen fenomeno patologikoa da, kanpoko munduaz desinteresatuz. Gaixotasun hau bizitza osoan zehar irauten du eta gaur egun, 88 pertsonetatik bat autista izaten da. Aipatu behar da gaixotasun hau izateko probabilitatea lau handiz handiagoa dela mutikoetan nesketan baino.

definicionabc.com

Gaitz honen diagnostikoa umeak hiru urte dituenean egiten da, hala ere, azken ikerketek dioten bezala, sei hilabeterekin egin daiteke. Normalean gurasoak izaten dira umearen portaera aldaketa antzematen dute- nak.

Gaur egun ez dago autismoa saihesteko tratamendurik, hala ere, ikerketek esaten dute tratamendurik onena diagnostiko goiztiarra eta hezkuntzako inguru egokia direla.

AUTISMOA ESKOLAN

Alde batetik, ume hauek joaten diren eskolen ezaugarriak zeintzuk izan behar diren azalduko dugu, beste alde batetik, irakasleek kontuan hartu beharreko lau ideia, eta azkenik, ikasgelaren antolamendua aztertuko dugu.

Autismoa jasaten duten umeak eskola arruntetara joaten dira baina hobe da eskolek faktore hauek betetzea:

• Hobe dira eskola txikiak, ikasle kopuru baxua dutenak.

• Eskola egituratuak egokiagoak dira, estilo didaktiko zuzenekin.

• Beharrezkoa da irakasle guztien konpromisoa, baina are gehiago ume honekin lan egingo duten irakasleena.

• Garrantzizkoa da eskolan hezkuntza berezirako irakasleak egotea, hala nola, psikopedagogoak, logopedak…

Gaur egun, ume autistak nola tratatu behar diren azaltzen duten programek, jarraitu beharreko honako lau ideia hauek aurkezten dituzte:

• Beharrezkoa da, haien ingurunearekin komunikatzen irakastea eta motibatzea.

• Testuinguru estimulatzaile zailetara erantzuten irakatsi behar zaie.

• Programa didaktikoari dagokionez, kontuan hartu behar da ume bakoitzaren gaixotasun gradua eta garapenaren ezaugarriak.

• Irakasleak argi eduki behar du hezkuntzaren azken helburua, helduaroan bizi behar izango duten bizitzara egokitzea dela.

Gaixotasun honentzako, ikasgelaren antolamendua garrantzitsua da, ezaugarri hau txarto betetzekotan alterazioak egon daitezkeelako.

Hasteko, ikasgela modu argi batean egituratuta egon behar da eta horretarako, kartel berriemaileak egitea egokia izango litzateke. Ume hauentzako garrantzitsua da jakitea egunean zehar zer gertatuko den, beraz, agenda erabili daiteke honen berri emateko, baita errutinaren kanpo gertatu daitekeenaren berri emateko ere. 

Kontuan hartu beharko da metodologia ere bai; hau irekia eta mugigarria izan beharko da eta onena, irakaskuntza funtzionalaren, aktiboaren eta kolaboratiboaren bidez lan egitea izango litzateke. Inguruneari dagokionez, segurtasunezkoa eta konfiantzazkoa izan beharko da, non bai taldean eta bai bakarka lan egin ahalko den. Jokoak eta tailerrak oinarrizkoak dira, modu honetan ikaslea modu zuzen batean inplikatzen delako, bai mentalki eta baita fisikoki ere. Amaitzeko, aipatu behar da ume hauei epe motzeko metak jarri behar zaizkiela eta uneoroko feedbacka proportzionatu.