Umeen obesitatea

Obesitatea edo gizentasuna gorputzeko gantzaren gehiegizko metaketagatik gertatzen da. Hau gertatzen da ume batek bere pisu idealaren %20a gainditzen duenean. Pisu ideal hau, adinaren, neurriaren eta sexuaren arabera kalkulatzen da.

Iturria: blogdefarmacia.com

OMSaren arabera (Organización Mundial de la Salud), mundu mailan, mila milioi helduk baino gehiagok pairatzen dute gehiegizko pisua, are gehiago, 300 milioi pertsona obesoak dira.

Gaixotasun hau, elikadura ohitura txarrek sorrarazten dute, baina baita elikatzearekin zerikusirik ez duten beste arrazoi batzuek ere. Umeen artean, gaur egun, oso arrunta da eduki kaloriko handia duten produktu eta janari kopuru handia jatea, hala nola, hanburgesak, pizzak, gozoak… 

Aipatutako elikaduraz kanpoko arrazoia, jarduera edo ariketa fisiko eskasa da. Gure gizartean, bideojokoak, ordenagailurako jolasak, telebista… oso finkatuta daude eta honek eragiten du umeek jarduera fisiko gutxi egitea. Aipatzekoa da ikerketek diotenaren arabera, umeek kaloria gutxiago gastatzen dituztela telebistaren aurrean, lotan daudenean baino.

EKAR DITZAKEEN ARAZOAK

Gaixotasun honek umeengan honako eragozpenak ekartzen ditu:

• Heldua izatean obesoa izateko aukera gehiago izatea.

• Gaixotasun jakin batzuk garatzeko arrisku handiagoa izatea, hala nola, gaixotasun kardiobaskularrak eta diabetea.

• Umearen sistema muskularrak gainkarga handia sufritzea.

• Hazkunde anormala izaten dute, ume batzuk obesoak izateaz gainera, oso altuak direlako. Honek pubertarora behar baino lehenago heltzea eragiten du.

Arazo psikologikoak izan ditzakete, alde batetik, askotan ikaskideengatik baztertuak sentitzen direlako, eta beste aldetik, soberan dituzten kilo horiek eraginda, gizentzeko beldurra izaten dute eta honek anorexia nerbiosoa eragin.

KONPONBIDEA

Gaixotasun hau sendatzeko ez da behar inolako farmakorik; konponbidea, elikadura eta bizitzarako ohitura egokiak hartzea da. Bartzelonako Valle Hebón Ospitaleko Endokrinologia eta Pediatriako aditua den Antonio Carrascola adituak dioen bezala, "Obesitatea tratatzeko modurik onena, arazoari aurrea hartzea da, bizitzako lehenengo hilabeteetatik hasita. Ama konturatzen baldin bada, bere seme-alabaren pisua eta taila konprobatu ondoren, neurri estandarretatik desbideratzen hasi dela, orduan komeni da pediatrarekin kontsultatzea, honek elikadurako pauta eta irizpide egokiak eman diezazkion. Beti ere errazagoa eta azkarragoa baita kilo bateko gainpisua zuzentzea, hamar kilogramokoa baino." 

OBESITATEA ESKOLAN

Gaixotasun edo gaitz hau esan daiteke, eskolan ez dela tratazen, hau da, ume hauek ez dute irakaskuntza berezirik jasotzen. Hala ere, nire iritziz, garrantzitsua da gai hau eskolan tratatzea, umeak konturatzeko elikadura orekatu bat izatea oinarrizkoa dela osasunerako.

Iturriak:

http://zientzia.net/artikuluak/haurren-obesitatea/

http://www.guiainfantil.com/salud/obesidad/index.htm

http://obesidadinfantil.consumer.es/

http://www.msc.es/campannas/campanas07/obesidad.htm